Naskah Kabaret Sunda Lucu - Pamingpin Rakyat Desa Seungitan Heula - Part 6
PAMINGPIN RAKYAT DESA SEUNGITAN HEULA!!!
BAGEAN KA-6 (KOMPANYE)
Kusabab pamilihan luring tinggal sabulan deui..para calon lurah
ngalakukeun kompanye katiap-tiap RW.. ku jalan ngahadiran katiap
pangajian-pangajian. Anu biasana Pa Miftah tara nincak mesjid-mesjid acan,
ayeun jadi getol ngahadiran katiap pangajian anu aya di Desa Seungitan Heula.
Lantaran dirina hayang kapilih jadi lurah anyar. Pa Miftah anu sapopoena ngobetna
beak ka daek..sapadaharita ker masa kompanye ngadadak jadi bager pisan.
Nyumbang katiap masjid anu aya di Desa Seungitan Heula..
Pa Yasa : Assalamu’alaikumWr. Wb. ??
Muqodimah
idem sareng anu tipayun.. Abdi salaku DKM bade ngahimbau yen dina sasih payun
Desa urang bade ngayakeun pamilihan Lurah. Anu calonateh nyaeta Pa Awan sareung
Pa Miftah, S.Pd., S.Pb.U., M.M.Pd. Alm..
anu kaleresan tiasa ngahadiran ka iyeu pangajian.
Pa Miftah : Pa Yasa …Sumbangan-sumbangan… sebatkeun dikh nominalnanya …
Pa Yasa : Ouh muhun hilap pa Miftah..
Ibu-ibu,
bapak-bapak, pemuda sareung pemudi..Pa Miftah, S.Pd. M.M.Pd. Alm.tekh anu
parantos masihan ka Mesjid ieu anu ageungana nyaeta dua juta tujuh ratus lima puluh rebu. Anu insya Allah bade diangge
kanggo nambihan renovasi mesjid ieu anu parantos kirang sae. Panginteun
Ibu-ibu, bapak-bapak, pemuda sareung pemudi ge tiasa ninggal sareng
ngarasakeun, keramikna anu tos jingjet, jangkung sapalih, atanapi anu
sapalihmah keramiknateh datar anu sapalih deuimah muncugug..heheheheh… teras
karpetna anu atos marerengkel sareng ledeh dikh. Anu sasih kapungkurmah kantos
disareseh ku murang kalih ka cipancar..da meh siga anyar.. tapi teuteup ue
merengkel deui. Heheh.. Tah upami aya langkungnamah kangge ngawangun madrasah
supados murang kalih diniyah tekh upami nuju diajar tekh teu sapertos di
pantai… ngadaraplok…
Ngadaraplok
Ibu-ibu, bapak-bapak, pemuda sareung pemudi. Kumargi teu aya meja sareng bangku
tea..da bade nambut ka SMP/SMK tekh, kahiji isin, kadua murang kalihna moal
kalebetkeun.. kumargi tiap kelasna oge dugi ka genep puluhan..se’eur nya ??
heuheuheu… teras dikh aya 6 kelas..
Ceu Tia : Ehhh ngadon Curhat Pa Yasa makh…
Pa Yasa : Tah janteun Ibu-ibu, bapak-bapak, pemuda sareung pemudi..ulah
hilap ke sasih payun urang gunakeun hak urang sadayana kangge milih lurah.
Mugia lurah anu kuurang dipilih janten lurah anu tiasa ngawangun Desa Seungita
Heula, janten Desa anu nomor kahiji dina kamakmuran rakyatna, kabersihan
lingkungana, sareng nomor hiji dina kapinteran masyarakatna. Amiin ya Robbal
‘alamiin.Mung sakitu anu tiasa di dugikeun. Ditutup ku do’a Robbana atina
pidunya hasanah wafil akhiroti hasannah waqina adza bannar… Assalamu’alaikum
Wr. Wb.
Kabeh : Wa’alaikumsalam Wr. Wb.
Bu Yasa : Ngahaturkeun nuhun ka Pa Yasa salaku DKM sareng salaku caroge
abdi hihihihihi anu parantos masihan sambutana.
Mangga
para Ibu-ibu, bapak-bapak, pemuda sareung pemudi urang lajengkeun wae acara
pangajian ieu kanu acara salajeungna nyaeta sambutan ti Bapak Miftah, S.Pd.,
S.Pb.U., M.M.Pd. Alm. Anu bade nyalonkeun janteun Lurah Desa Seungitan Heula.
Supados teunyangkolong teing kana waktos, urang sanggakeun wae ka Bapak Miftah,
S.Pd., S.Pb.U., M.M.Pd. Alm.
Pa Miftah : Bismillahirrahmanirrahim. Assalamualaikum We er titikWe be titik
Muqodimah
abdi bade nurutan wae kanu tipayun..atanapi idem..
Ngahaturkeun
nuhun ka pangatur acara anu parantos masihan waktos ka Abdi kangge kompanye.Heheh
Bapak
dua ibu dua, anu kusimkuring dipihormat, teu hilaf oge ka Bapak DKM
Ajudan : Bapak-bapak Ibu-Ibu..sanes Bapak dua Ibu dua Pa.
Pa Miftah : Da dina tulisana oge bapak dua ibu dua. Ari DKM naon ?
Ajudan : Eta tekh singkatan Pak. Siga KPK, KPU, KB, KK, jadi DKM tekh
singkatan Pak.
Pa Miftah : Heh singkatan tina naon?
Ajudan : Tah eta makh kurang apal heheheh…
Pa Miftah : Ehh Ajudan the Bodo..
Teu
hilaf oge ka para pemuda angka hiji rada dengdek i.
Ajudan : Haduh pa ..pemuda sareng pemudi sanes pemuda angka hiji rada
dengdek i.
Pa Miftah : Ekhhhh tinggali da dina tuisana oge pemuda terus aya angka hiji ngan
teu ajeg… rada dengdek terus weh i. Ajudan tekh bodo nya.
Para
pemuda angka hiji rada dengdek I, anu janten harapan bangsa terutami harapan
De’es Seungitan Heula.
Ajudan : Desa Pa..sanes De’es..
Pa Miftah : Jempe atuhh ieu dewek teu kaur dek ngomong tekh..
Hapunten
aya gangguan teknis sakedap..
Insya
Allah abdi Miftah, S.Pd., S.Pb.U., M.M.Pd. Alm. Ngagaduhan niat bade nyalonkeun
janteun Lurah enggal kangge De’es Seungitan Heula. Abdi didieu ngagaduhan Visi
nyaeta janten pamingpin rakyat Seungitan Heula anu JUJUR.Upami abdi kapilih
janten Lurah, insya Allah abdi bade jujur dina sagala rupi. Diantawisna anu
kahiji nyaeta, abdi hoyong janten Lurah anu benghar kucara ngeruk harta banda
anu aya di De’es Seungitan Heula sareng kucara KORUPSI. Haduuhhh … AJUDAN..
Kabeh : Huuuuuuuuuhhhhhhhh
Ajudan : Kumaha Pak!!
Pa Miftah : Naha ieu make ditulis sagala!!!
Ajudan : Apanan Jujur …
Pa Miftah : Ekhhhh ieumahk ulah ditulis atukhhhh….. bodo siahkkkk…
Hapunten
anu tadimah lepat ngetikkk hehehehehe…. Tah Anu kadua nyaeta, upami abdi janten
Lurah abdi hoyong nambihan deui Istri atanapi Nyandung, kumargi Istri anu
ieumah atos …… ke ke ke naha ieu tekhhh…
AJUDANNN..
Ceu Tia : Paaaaapiihhhhhhhhhhhhhh…
Pa Miftah : hehehehe Mamiiiihhhh….
Ajudan : Naon deui Pa !!
Pa Miftah : Naha ieu make ditulis dek nyandung !!!!
Ajudan : Apanan jujur… kan kamari nyarios ka Abdi bade nyandung upami
janten Lurah…
Pa Miftah : Haduh hapunteun deui lepat deui ngetik..hehehehhe hapunteun
pisan.. leres eta makh lepat ngetik sanes harepan abdi upami janten Lurah..
Tuhh
naha ieu tulisan tekh kabeh dibejakeun..lewat wehh..
Nah
para Bapak hiji para Ibu hiji..abdi bade nyuhunkeun bantosana supados ke dina
waktos pamilihan lurah milih abdi.. Nomor Urut Hiji.
Ajudan : Para Bapak para Ibu sanes para Bapak hiji para Ibu hiji.
Pa Miftah : Ehhh tinggali atuh dina tulisana oge. Aya hiji-hiji. Tuh tuh tuh
..anu tadimah aya angka dua-an. Iyeumah eweuh .. jadi dibacana bapak hiji ibu
hiji. Sakali deui abdi bade nyuhunkeun bantosana supados ke dina waktos
pamilihan lurah milih abdi.. Nomor Urut Hiji nyaeta Miftah S.Pd., S.Pb.U.,
M.M.Pd., Alm..
Ajudan : Pa Miftah…. Pa Miftah…
Pa Miftah : Naon deui …. Ke kagok sajajar deui..
Ajudan : Pa Miftah …
Pa Miftah : Mung sakitu anu tiasa disampaikeun dina danget ieu..ditutup ku doa
Robbana atina pidunya hasanah wafil akhiroti hasannah waqina adza bannar…
Ceu Tia : Papiiiiihhhhhhhhhh
Ceu Neng : Ari Ceu Tia nanaonan gogoleran..siga cacing kapanasan..
Ceu Tia : Papiiiiiihhhhhhh… dek ngajuru ieu tekh lain siga cacing
kapanasan..lain nulungan.
Ceu Neng : Oh.
Ce Imah : Ari Ceu Imah lain nulungan..
Ceu Neng : AHhh sakali ewang.. basa
eta ge.. teu nulungan Ece… basa wadah marurag ku manehna..
Ce Endes : Pa Miftah… ieu Ibu Tia bade ngalahirkeun.
Pa Miftah : Haduuuuhhhh Mamiiihhhhh…. Assalamu’alaikum We er titik We be
titik.
Mamiiiihhhhhh.Ajudan
siapkeun pananggung.
Bu Yasa : Ngahaturkeun
nuhun ka Pa Miftah S.Pd., S.Pb.U., M.M.Pd., Alm. Kumargi Ceu Tiabade ngalahirkeun mangga atuh pangajian ieu ti kawit anu teu dugi ka akhir urang tutup
ku do’a Robbana atina pidunya hasanah wafil akhiroti hasannah waqina adza bannar…
Assalamu’alaikum Wr. Wb.
